Meghalaya CM in RTI activist beih dem

Meghalaya-a East Jaintia Hills-a Tuber Sohshrieh-ah Ninagni khan RTI activist Agnes Kharshiing chu misual tu tih hriat loh ten an bei.

Beih a ni tih hriat a nih velah hian Megha­laya DGP thar R Chan­dranathan chuan Supe­rintendent of Police EJH, S Nongtynger chu thubuai ziaklut turin a hriattir nghal a ni.

Meghalaya Chief Mi­nister Conrad K Sangma chuan RTU activist chunga thil thleng chu pawi a tih thu sawiin police leh district thu­neitute chu a rang thei ang bera hma la nghal turin a hriattir a, chhuizui vat turin a ti nghal bawk.

Conrad K Sangma chuan civil society te chu ramchhunga democratic system kalpuina kawnga hna pawimawh tak thawktu an nih thu sawi­in pawikhawihtu chu zawn­chhuah a nih a a laka hremna lekkawh ngei a nih tur thu a sawi.

Agnes Kharshiing hi NEIGHRIMS-a ICU-ah enkawl mek a ni a, a dinhmun hi a ṭha lo hle nia sawi a ni.