MSPCB-in coke plant 29 khar turin hriattir

Meghalaya State Pollution Control Board (MSPCB) chuan state chhunga dan loa din nia sawi, coke plant 29-te chu khar turin a hriattir. Heng plant 29-te hi Refusal of Consent a pe nghal a ni.

Environment Coordination Committee (ECC)-in RTI hmanga a zawhna chhanna aṭanga a lan danin, Meghalaya-ah hian coke plant hi 42 awmin, heng zinga pariat chauh hian trading licence an nei a, a dang zawng hian dan loin hna an thawk a ni.

Coke plant khar tura tihte hi Elaka Sutnga hmuna mi an ni a, ECC legal adviser Reading War chuan MSPCB thupek hi ECC tan leh Elaka bial mipuite tana hnehna a ni tiin, "Elaka mipuite aw hi a hmain ngaihthlak sak an ni ngai lo," a ti. ECC leh Elaka bial mipuite chuan sorkar leh district council-ten thuneihna dik lo taka an hman dante haichhuak tura an beih zel tur thu a sawi bawk.

Phalna nei loa coke plant din nia sawi chungchang hi National Green Tribunal (NGT)-ah thlen a ni tawh bawk a, hemi chungchangah hian MSPCB, state sorkar leh coke plant neitute chu March 10-ah an insawifiahna te thehlut tura tih an ni.