AP: Bomdila thilthlenga pawikhawihtu hrem an ni ang - Gen. Rawat

Army Chief General Bipin Rawat chuan Thawhṭanni khan Arunachal Pradesh-a Bomdila-a thil thlenga pawikhawihtu chu hrem an ni ngei dawn tih a sawi.

Bomdila-ah hian November 2 khan sipai pahnih chu civil mite laka an khawsak dan a mawi loh avangin police-te chuan station-ah an hruai a ni. Heng mite hi chhuah an nih hnuah police te hian an sawisa nia sawiin sipai eng emaw zat chuan Bomdila police station hi panin buaina a chhuak a, police station bungrua pawh eng emaw chu tihchhiat a ni nghe nghe.

Rawat chuan he thil thleng hi an chhui chian mek thu sawiin sipaite hi an thiam lo zawk a nih chuan an lakah hremna an lek­kawh ngei dawn tih a sawi a ni.

Union minister Nirmala Si­tharaman leh Kiren Rijiju-te chuan kar hmasa Nilaini khan hemi chungchang hi an lo zawtfiah tawh bawk a, Pathianni khan Rijiju chuan sipai-te leh police-te chu inzah tawn tur a nih thu a sawi ve bawk.