MU VC hlui petition thehluh SC in hnawl

Manipur University Vice Chan­cellor hlui Prof. K Yugindro-an special leave petition a thehluh chu Supreme Court in a hnawlsak.

Prof. K Yugindro hian Mani­pur High Court-in Manipur University pro vice-chancellor a nihna aṭanga a suspend-na khinletna petition SC-ah a thehlut a ni.

SC chuan Thawhlehni khan thupek tichhuakin special leave petition thehluh chu interim order a nih thu sawiin, an inrawlh dawn loh thu a tarlang.

October 11 khan High Court chuan Yugindro pro-Vice chancellor a nihna aṭanga sus­pend-na tur thupek a tichhuak a, PILs (public interest litigation) pahnih social activist, Chongtham Nimai leh Huiyen Lanpao editor, He­mantakumar Ningomba-ten an thehluh ngaihtuah a nih hnuah suspend-na thupek hi an tichhuak a ni.

Hun rei tak buaina an tawh hnuah Manipur University-ah chuan pro vice-chancellor Yugin­dro suspend a nih a chief secretary hlui, Jarnail Singh-a thuneitua dah a nih hnuah boruak muanawm a awm leh thei a ni.