Garo Hills misual ten Assam sumdawng ru bo

Assam-a Goalpara district-a Krishnai khaw mi sawhthing hmanga sum­dawng ṭhin chu East Garo Hills (EGH)-a Rongsak thingtlang khuaa misual ten Thawhlehni khan an ru bo.

Sumdawng an ruk bo hi Tapos Majhi (37) a nih thu tarlan a ni.

Police-te chuan Majhi hian kartin a tihdan ṭhin angin a sawhthing te zuar turin Rongsak a pan a, a kalkawngah hian Bansam Awe thingtlang khaw bulah ruk bo a nih thu an sawi.

SP Ringrang TG Momin chuan Bansam Awe khaw bulah bike khalh misual ten an ru bo tih sawiin mi panga paruk vel an nih thu a sawi. A lirthei chuanna chu lo tidingin silai in an tin tih a sawi a, misualte hian an hmai an tuam niin a sawi bawk.

Misual tena an bike hman zinga pakhat hi kawng bulah chhar a nih thu a sawi bawk a, misual te hian ralthuam an nei ngei tih a sawi bawk a ni.

Police-te chuan pawi­khawihna thleng hi an chhui zui nghal tih an sawi bawk.

Garo Hills-ah hian inruk bona hi a thleng fo a ni.