Tripura civic body inthlan hun sawn

Tripura sorkar chuan December thlaa civic bodies - Agartala Mu­ni­cipal Corporation, muni­cipalities leh nagar pan­chayats inthlan neih tura tih chu state chhunga hripui leng vangin nakkum February 27-ah a sawn hla.

Election Commission chuan electoral roll special revision nei hun tur a lo puang tawh a, ruahman lawk angin final electoral roll chu nakkum January 15 hian tihchhuah a ni ang. 

State sorkar chuan revised electoral roll beh­chhan hian civil body inthlan buatsaih hi a duh nia sawi a ni a, hei hi inthlan hun a sawn hlat chhan pakhat nia sawi a ni bawk. 

Revised voter list tih­chhuah a nih hunah, state election commision chuan ward-wise electoral roll a buatsaih ve leh dawn a ni. 

Tripura sorkar hian Tripura Tribal Areas Auto­nomous District Council (TTAADC)-a Governor Rule hman mek chu thla ruk dang a lo pawtsei tawh bawk.