Manipur sorkarin police lawmman pe

Manipur sorkar chuan tun hnaia ruihhlo, brown sugar leh morpine liquid tam tham zet mantu, police officer leh personnel-te chu an hnathawh ṭhat avangin lawmman, tangkai fai cheng nuai 30 a pe tih a puang. 

Joint secretary (Home) Reha­nuddin Choudhury chuan Nilaini khan thuchhuah siamin, sorkar chuan October 29-a brown sugar kg 435.945 leh morphine liquid litre 438 mantu, police officer leh personnel 50-te hnenah cheng nuai 20 pek a ni tih a sawi. 

Lawmman an pek zingah hian Thoubal district-a Superintendent of Police (SP), additional SP pahnih, inspector pahnih, sub-inspector pathum, assistant sub-inspector pakhat an tel. 

Police-te hian heng ruihhlo hi Thoubal Mojing Awang Leikai-a Kayamuddin chenna inah an man a ni. 

Anni bakah hian October 28-a Khordak Ichin-a Chevrolet car leh Myaang Imphal Bengoon-a chenna in pakhat aṭanga brown sugar kg 74 mantu, Bishnupur district police officer leh personnel 44-te  hnenah lawmman, cheng nuai 10 pek an ni bawk.