Tripura CM-in May Day tihtawp chhan sawi

Tripura sorkarin nakkum aṭanga May Day sorkar holiday aṭanga a paih avanga sawiselna nasa tak an tawh hnuah, Chief Minister Biplab Kumar Deb chuan paih a nih chhan a sawichhuak.

Biplab Kumar Deb chuan industrial sector hnuaia thawk lo te chuan chawlh hi an mamawh lo niin a sawi.

CM Biplab Deb chuan Tripura Gazetted Officers Sangh conference-a thu a sawinaah, "Labour in ni mi? ni lo, Labour ka ni em? ni lo. Chief Minister ka ni. Secretariat-ah file in en a, industral sector-ah in thawk lo. Engvangin nge chawlh in mamawh?" tiin zawhna zawt letin chawlh a tihtawp chhan a sawifiah a ni.

Tripura sorkar hian Novem­ber 3 khan thuchhuah siamin nakkum aṭang chuan May Day chu restricted holiday aṭanga paih a nih dawn thu an tarlang.

Deb chuan May Day (Labour Day) chungchang chu sawi zawmin ramchhunga May Day holiday atana hmang state tlemte chiah an awm thu a sawi a, sorkar hnathawk ten May Day an chawlh ve chhan tur a hriat loh thu a sawi a ni. May Day chu labour tan a nih thu a sawi bawk.