Hornbill Festival thupui atan 'Made in Nagaland' hmang dawn

Nagaland sorkar chu Hornbill Festival vawi 19-na thupui atan 'Made in Nagaland' tih chu a thang a, inbuatsaihna pawh ngawrh takin a kalpui mek.

Hornbill Festival 2018 hi Kohima aṭanga km 10-a hla, Kisama-a The Naga Heritage Village-ah neih a ni ang.

Nagaland Tourism Department official chuan kumin hian ni 10 chhung festival hi an hmang dawn tih sawiin, December 1 aṭanga December 10 thleng an hman dawn thu a sawi. Kumin hian a vawikhatna turin Nagaland police chuan tourist police force an hmang dawn a, anni hian festival chhunga venhimna leh boruak muanawm a awm theihna tura hma an lak dawn bakah, khualzin te himna turin an thawk dawn a ni.

Nagaland Department of Industries & Commerce chuan Kisama-a Bamboo Pavilion-ah stall 86 hawn­na tur an buiatsaih bawk a, hetah hian exibition neih a nih dawn bakah Naga mipuiten an thil tharchhuah te an zuar ang.

Kumin Theme tur hi “Made in Nagaland” a ni dawn a, Tourism De­partment chuan entre­prenuer-te chu ram leilung fate thil tharchhuah tar­lanna tura dan leh thupek an siam te chu dik taka zawm turin thupek an tichhuak bawk a ni.