Nagaland Assembly Speaker a thi

Nagaland Assembly Speaker Vikho-o Yoshu chu hun rei tak cancer natna a tawrh hnuah December 30, 2019, Thawhṭanni khan Mumbai-ah a thi. Vikho-o Yoshu hi kum 67 mi niin, a nupui leh a fa 10 a thihsan.

 

Nationalist Democratic Progre­ssive Party (NDPP) hruaitu hi nikum kumtir lam khan chuap cancer a ni tih hriatchhuah a ni a, a natna hriatchhuah a nih aṭang hian Mum­bai-ah enkawl zui nghal a ni. Veteran politician, Yhoshu hi Naga People’s Front (NPF) hruaitu a ni reng ṭhin a, kum 2018 khan NDPP-a zawm a ni. Kum 2018 inthlan­ah khan NDPP ticket-in, Southern Angami-I bialah thlan tlin a ni a, nikum March thla khan state Assembly Speaker atan thlan a ni.