Guwahati hmun ṭhenkhatah Section 144 puang

Assam-a East Police District, Guwahati, Deputy Commissioner of Police Dr. Ramandeep Kaur chuan thupek tichhuakin Code of Criminal Procedure, 1973 Govt. of Assam, Section 144 a puang.

East Guwahati area-a office-ah te boruak muan­awm tak a awm theih nan leh traffic a buai lohna tura tih a nih thu a sawi.

Hei hi Guwahati-a nawrh huaihawt leh duh lohna lantirna kawngzawh a nasat vanga puan a ni.

Thupek hian Dispur, Bhangagarh, Basistha, Hatigaon, Sonapur leh Khetri Police Station area-te a huam dawn a, heng bial­ah hian DCP East emaw thuneitu dangte phalna la lo chuan punkhawm phal a ni dawn lo a ni.

Section 144 hnuaiah hian mi pali aia tam phalna nei lo chu awmkhawm phal a ni lo a, nawrh huaihawt emaw kawngzawh emaw bakah slogan auchhuahpui an awm chuan an lakah hremna lekkawh a nih dawn thu tarlan a ni bawk.

Thupek hi November 14 aṭanga hmanṭan kha niin thu leh awm hma chu sut a ni dawn lo a ni.