Hornbill Festival-ah Plastic hman khap dawn

Nagaland-a Kohima Chamber of Commerce and Industries (KCCI) chuan ‘Hornbill Night Carnival’ hmanna tur hmun reng reng chu, “plastic-free zone” a nih dawn thu a sawi.

Carnival hi Nagaland Interna­tional Hornbill Festival hmanna peng pakhat a ni a, December 1-10 inkar hian Hornbill Festival hi neih a ni dawn a ni.

KCCI president Medozhatuo Rutsa chuan plastic leh a kaih­hnawih reng reng bakah ṭawih thei lo thil reng reng chu khap a nih dawn thu sawiin heng zingah hiah tui bottle leh thermocol-te pawh a tel dawn niin a sawi.

KCCI leh Kohima Municipal Council chuan paper bag an semchhuak dawn tih sawiin ei tur te chu silfai leh theih thilah an pe dawn tih a sawi bawk.

Carnival hi zan dar 6 aṭanga dar 9 thleng Phoolbari junction leh Razhu Point inkarah neih a ni ṭhin dawn a ni.