Nagaland-ah 20MW greenfield solar power plant siam dawn

Nagaland-a Dimapur khawpuia Ganeshnagar industrial area-a ram acre 120-a zauah 20-megawatt greenfield solar power plant siam a ni dawn.

State chhunga greenfield solar power project hmasa ber thawhna tur hian Nagaland sorkar leh Hyderabad-based power producing company, Halo Energie Pv Ltd chuan kar liam ta khan inremna an ziak. Green power project siamna atan hian Rs vbc 120-130 a ngai dawn a ni. 

Company lam hian a ram te pawh an enfiah ṭan tawh a, project hi thawh thuai a nih theihna turin hma an la nghal a ni. Kumin kum laihawlah hna thawh ṭan tum a nih thu leh, thla riat hnuah he solar plant hi hman theih tura peihfel tum a nih thu an sawi.