Assam leh Tripura budget session ṭan dawn

Assam leh Tripura legislative assembly chuan tun kar hian budget session an ṭan dawn.

Assam hian vawiin aṭangin budget session hi an ṭan dawn a, April 1 thleng a awh ang. Finance minister Ajatna Nego chuan March 16-ah state budget for 2022-23 a pharh ang.

Budget session chhung hian bill paruk pharh vek tum a ni bawk.

Tripura assembly budget session, ni nga awh tur chu March 17 aṭangin an nei ṭan dawn tih state parliamentary affairs minister Ratan Lal Nath chuan a sawi. Finance changtu, deputy chief minister Jishnu Dev Verma chuan session ṭan ni hian financial year 2022-23 atana state budget a pharh dawn a ni. Nakkum kumtir lamah assembly inthlan an neih dawn avangin, tun ṭum hi BJP-IPFT sorkara budget pharh hnuhnung ber tur a ni. Minister Nath chuan session chhung hian bill 5-7 vel pharh a ni dawn a, heng zingah hian Tripura National University Bill 2022 a tel dawn tih a sawi.