Manipur Assembly complex-ah Bomb puak, mi pathum hliam

Manipur Legislative Assembly complex-ah Zirtawpni khan grenade a puak a, security personnel pathum in hliam an tuar.

Hliam tuar te hi police pahnih leh BSF sipai pakhat an nih thu tarlan a ni.

Police-te chuan tlar dar 5.55 velah bomb hi a puah thu sawiin main gate chhunga puak a nih thu an sawi. Grenade a nih avang hian pawnlam aṭanga vawm luh a nih an rin thu an sawi a, Assembly complex thlang lam bang aṭanga vawmluh a nih an rin thu an sawi.

Assembly complex hi Manipur police-te bakah BSF 54th battalion-ten an veng ṭhin a ni.

Hliam tuar zinga mi, BSF sipai hi Madhya Pradesh mi a ni a, RIMS damdawi-inah hliam te hi hruai nghal niin dinhmun ngaihtuahawm an nih loh thu tarlan a ni bawk.

DGP Manipur, L M Khaute leh officer dangte chuan bomb puahna hmun hi an enfiah nghal a, eng pawl mahin he thilah hian an inhnamhnawih thu an la sawi lo a ni.

Thlakhat pawh tling loah Imphal-ah hian bomb vawi hnih a puak ta a, October 20 khan United National Liberation Front (UNLF)-te chuan CRPF truck beiin sipai pakhatin nunna a chan phah tawh bawk a ni.