Meghalaya in Eklavya Model residential school 36 nei dawn

Union Tribal Affairs Minister, Jual Oram chuan Inrinni khan sorkar laipui chuan Meghalaya hmun hrang hrangah Eklavya Model residential school 36 an din dawn thu a sawi.

Jual Oram chuan hemi atan hian cheng vaibelchhe 20 an dah thu a sawi bawk.

Oram hian kar kalta Inriini khan St Anthony’s College-a Wollaston Annexe a hawng a, he hunah hian thu sawiin ramchhungah residential school 192 kalpui mek a nih thu a sawi a, Meghalaya chhung bikah chuan East Garo Hills-a Samanda-ah leh Ri Bhoi-a Umling-ah te hetiang school hi a awm thu a sawi.

Ramchhunga C&RC Block tribal mi 20,000 awmna chinah chuan residential school hi dah vek an tum tih a sawi a, hetiang school din tum a nih chhan chu tribal zirlai ten medical leh engineering course an zir theihna tur tinzawn anih vang tih a sawi bawk.

Sorkar laipui chuan state chhunga hmasawnna hrang hrang hna thawhna turin cheng vaibelchhe 127 an ruahman thu sawiin kum li kalta chhung khan school, darbar hall leh thildang sak nan Meghalaya chuan cheng vaibelchhe 127 chuang an hman tawh thu a sawi.

St Anthony’s College annexe building sak nan hian cheng vaibelchhe 7 sen a ni.