Lungalhthei leh mineral dang aṭangin kum 3 chhungin chhiah Rs vbc 745 hmuh a ni - Meghalaya Minister

Meghalaya commerce and industry minister Sniawbhalang Dhar chuan kum thum liam ta chhungin state sorkar chuan coal leh mineral dang aṭangin chhiah, cheng vaibelchhe 754 chuang a la lut tih a sawi.

Minister Dhar hian Assembly inkhawma AITC MLA Zenith Sangma zawhna a chhannaah hei hi a sawi a ni.

Chhiah an lakah hian lungalthei aṭanga an lak chu state sorkarin 75% leh Autonomous District Council (ADC)-in 25% an chang a, mineral dangah chuan state sorkarin 40% leh ADC-in 60% a chang thung tih minister chuan a sawi. Heng aṭang hian kum thum liam ta chhunga ADC pathumte chanpual lut chu cheng vaibelchhe 174.63 a tling.

"State sorkar chuan ADC pathum hnenah Rs vbc 209.39 a pe chhuak tawh a ni. Sum pek tur la awm hi Rs vbc 21.01 a la tling bawk," tiin Khasi Hills Autonomous District Council (KHADC) tana sum pek tur la awm hi Rs vbc 2 niin, Jaintia Hills Autonomous District Council (JHADC) tan Rs vbc 18.18 a la awm. Garo Hills Autonomous District Council (GHADC) tan advance payment, Rs vbc 55 pek a ni tawh tih Minister chuan a sawi bawk.