Tripura cabinet-in national law univeristy dinna tur pawm

Tripura state cabinet chuan National Law University Tripura (NLUT) din rawtna a pawm.

NLUT hi kalpui anih aṭanga kum nga hnuah mahnia inenkawl thei tura ruahman a ni a, Tripura High Court-a chief justice chu chancellor a ni bawk ang.

Finance department chuan he university bul ṭanna leh kum nga chhhunga a sum mamawhte phuhrukna turin cheng vaibelchhe 50 a ruhman tih information and cultural affairs minister Sushanta Chowdhury chuan a sawi.

Minister chuan, "State mipuite hun rei tak an lo ngiat tawh, NLUT din rawtna chu cabinet chuan a remti ta a ni," tiin university enkawl tur hian governing council din a ni ang a, chancellor chu chairman a ni nghal dawn tih a sawi. Hei bakah hian academic, executive leh finance council-te pawh a awm dawn tih a sawi bawk a ni.