Manipur hmeichhe naupang pathum Shimla-ah chhanchhuak

Himachal Pradesh state khawpui Shimla City police-te chuan Inrinni khan Shimla khawpui chhunga spa, mipat hmeichhiatna lam hawia sumdawng ṭhin nia puh chu dap in hmeichhe naupang paruk an chhanchhuak.

Deputy Superinten­dent of Police (DSP) Dinesh Sharma kaihhruai team-te chuan spa hi dapin mi pahnih an man nghe nghe a, he spa hi thla khat kalta vela hawn kha nia tarlan a ni.

Sharma chuan hmei­chhe naupang paruk an chhanchhuah thu sawiin heng zinga pathum chu Manipur mi an nih thu a sawi a, pahnih dang chu Delhi mi an nih thu leh pakhat chu Thailand mi a nih thu a sawi.

Sharma chuan an chiang zawka he thubuai hi an chhuizui thu a sawi a ni.