Manipur BJP hruaitute Delhi-ah kal

Manipur BJP hruaitute, caretaker chief minister N Biren Singh, minister hlui Th Biswajit Singh leh state BJP chief A Sharda Devi-te chu Delhi-ah kalin party hotu lute an hmu dawn.

BJP hruaitute hian sorkar thar din dan tur leh, chief minister thar thlan tur chungchangah party hotute hian an hmu dawn a ni. BJP hian Manipur-a sorkar thar siam dan tur ngaihtuahpui turin central observer atan union finance minister Nirmala Sitharaman leh co-observer atan union minister dang Kiren Rijiju pawh an lo ruat tawh a ni. Observer-te kaihhruaina hnuaiah hian BJP legislature party hruaitu tur pawh thlan a ni ang.

Chief Minister thar tur hi tihchian a la ni lo a, state BJP chhungah hruaitu dinhmun inchuhna hi a awm nia sawi a ni. Mahse party hruaitute chuan hei hi thu dik lo niin an sawi thung.