Meghalaya House-in State Reservation Policy tharthawh phutna a hnawl

Meghalaya Assembly chuan North Shillong MLA Adelbert Nongrum-a putluh, State Reservation Policy tharthawh phutna resolution chu a hnawl.

Nongrum hian a resolution hi a hnukkir duh loh avangin House-ah hian vote lak a ni a, resolution hi a tlang zo ta lo a ni.

Chief minister Conrad K Sangma chuan he policy chungchang hi thil harsa tak, ngunthluk taka ngaihtuah ngai a nih thu a sawi. Hemi rual hian opposition leader Dr Mukul Sangma-a'n political party leh legislator level-a sawiho a rawtna chu ṭha a tih thu a sawi nghal bawk.