Assam state budget 2022-2023 pharh

Assam finance minister Ajanta Neog chuan Nilaini khan assembly-ah financial year 2022-2023 atana state budget a pharh.

Kum 2022-2023 atana Consolidated Fund hnuaia sum hmuh tura ruahman hi Rs vbc 1,19,027.95 niin, heng zinga Rs vbc 96,374.59 chu Revenue Account leh a bakah Rs vbc 23,673.71 chu Capital Account ami tur a ni. Hetih lai hian kum 2022-2023 chhung sorkarin sum a hman tur ruahman hi Rs vbc 1,19,551.06 niin, Revenue Account-ah Rs vbc 96,367.05 leh Capital Account-ah Rs vbc 23,184.01 hman tura ruahman a ni. 

Sorkar sum indaih lohna hi Rs vbc 420.14 a ni.

State budget-a tarlan ṭhenkhatte -
1) Sorkar laipui leh Asian Infrastructure Investment Bank (AIIB) puihnain Subansiri leh Luit-ah lei (bridge) lian tak dawh tum a ni.
2) Asom Mala hnuaiah kum 2020-23 chhungin kawngpui pali siamṭhat a ni dawn a, kawng thar 19 siam a ni bawk ang. Dibrugarh-a Mancota Road-ah flyover project siam a ni dawn a, Guwahati-a GNR Road-ah kawng chhawng siam a ni bawk ang.
3) Aviation turbine fuel (ATF)-a Value Added Tax (VAT) lak chu 1% in tihhniam a ni. Guwahati leh Lakhimpur, Dibrugarh, Silchar leh Tezpur-te thlawhtheihna hmanga man tlawm zawka an inkalpawhna tur scheme thar siam rawt a ni bawk.
4) Jorhat Airport siamna tur ram leina atan Rs vbc 156, Silchar-a Greenfield Airport siamna atan Rs vbc 50, North Lakhimpur-a Lilabari Airport siamna atan Rs vbc 3.56 dah a ni.
5) Assam Inland Water Transport Deveopment Society in Brahmaputra-a National Waterway 2-ah terminal 13 a siam dawn.
6) Tea garden area-a school 436 chu state sorkar hnuaiah dah a ni dawn. May 10, 2022 aṭangin Model High School 117 hawn a ni ang. Kum 2022-23 chhungin Jal Jeeven Mission hnuaiah chhungkaw nuai 2.9-te an tui connection pek tum a ni.
7) Medical college pathum, Sivasgar, Karimganj leh Goalpara-ah din tum a ni. IIT Guwahati-ah super-specialty hospital din tum a ni bawk. Kumin chhungin Dhemaji, Bongaigon, Golaghat leh Tamulpur-ah medical college sak ṭan a ni ang.
8) Barpeta, Silchar, Diphu, Jorhat, Tezpur leh Lakhimpur-a district hospital-te chu super-specialty hospital-ah siam tum a ni a, hemi atan hian Rs vbc 3,798 ruahman a ni.
9) State sorkar hnuaia hnathawk leh pensioner-te Dearness Allowance, 11% pek chu 3% in tihpun a ni dawn.
10) Clean energy siamna tura solar power generation plants siamna tur, Mukhya Mantri Souro Shakti Prokolpo atan Rs vbc 4,000 ruahman a ni.
11) Majuli University, Rabindranath Tagore University, Bhattadev University, Madhabdev University, Birangana Sati Sadhini State University leh Aniruddhadev Sports University tan NIDA Fund, Rs vbc 50 ṭheuh pek a ni.