RTI Activist beih thubuai kalzelah mi pakhat man leh

Meghalaya East Jaintia Hills police-te chuan Pathianni khan RTI activist, Agnes Kharshiing leh a ṭhiannu Amita Sangma-te Tuber Sohshrieh-a beih an nih thubuai kalzelah mi pakhat an man belh leh.

Agnes Kharshiing leh a ṭhainnu hi November 8 khan beih an ni a, he thubuai kalzelah hian mi pali man an ni ta a ni.

East Jaintia Hills SP Sylvester Nongtynger chuan an mi man chu Wapung mi Charming Shadap a nih thu a sawi a, Khliehriat-a Community Health Centre-ah enkawl mek a nih thu sawiin dam­dawi-in aṭanga a chhuah velah thu an zawtfiah nghal dawn tih a sawi.

SP Sylvester Nongtynger chuan inhnamhnawih dang pawh an zawn zel thu sawiin midang pawh an la man belh leh dawn tih a sawi.

Police-te hian Inrinni khan MDC, Lasky Rymbai unaupa fa Hamlenshwa Rymbai chu an lo man tawh bawk a ni. Rymbai hi coal hmanga sumdawng ṭhin a nih bakah Khasi Students’ Union finance secretary hlui a ni nghe nghe a ni.