Assam: PCI in pharma-cist lem zawnchhuahna tur App tlangzarh

Pharmacy Council of India (PCI) chuan Assam-a hman tur Appli­cation thar Pharmacists Registration and Tracking System (PRTS) an tlangzarh.

PRTS App hi state chhunga pharmacist lem zawnchhuahna atana hman tur a ni.

November 13 khan Delhi State Pharmacy Council hnuaiah inziak lutin pharmacist-te chu register an lo ni tawh bawk a, December 1 aṭang hian rampumah regis­tration hi kalpui tum a nih thu tarlan a ni bawk.

Assam Pharmacy Council (APC) Registrar Bhuban Chandra Das chuan state chhungah pharmacist 8,600 vel an awm tih sawiin hun rei lote chhunga registration hi tih zawh hman vek an tum thu a sawi.

Das chuan App tlang­zarh thar hmang hian pharmacist lem te chu an zawngchhuah theih dawn tih sawiin he App hmang hian mamawh te chuan pharmacist inziak lut te information kimchang chu an hre thei dawn tih a sawi bawk.

Association of Regis­tered Pharmacists, Assam (ARPF) pawhin App thar hi an pawm tih sawiin PRTS system chu an fak hle a, kumtak chhung he­tiang thil hi neih an lo ngiat tawh tih an sawi a ni.

APC chuan Dispur police station-ah ringawt pawh pharmacist lem ziahluh 754 an awm tih an sawi.