Assam minister hlui a thi

Assam minister hlui leh Congress hruaitu hlun tak Chandan Kumar Sarkar chu Thawhṭanni khan Bongaigaon-ah car­diac arrest vangin a thi.

Sarkar hi kum 65 mi ni tawhin a nupui, a fapa te pahnih leh a fanu a kalsan a ni. Thawhṭanni zing khan cardiac arrest a neih avang hian tualchhung dawmdawi-inah tlanpui nghal a ni a, mahse an chhan hman ta lo a ni.

Chandan Kumar Sarkar hi 1991, 2001 leh 2011 khan Abhayapuri South constituency aṭangin thlan tlin a ni a, a term thumnaah hian Tarun Gogoi kaihhruai Congress sorkarah khan irrigation minister a ni ṭhin bawk.

Assam Pradesh Cong­ress Committee (APCC) President Ripun Bora chuan Sarkar-a thihna chuan a ṭhawng takzet tih sawiin a chhungte a tawrhpui takzet thu a sawi. Ni thum kalta mai pawh khan panchayat inthlan awm tur chuncghangah meeting an neih ho reng thu sawiin a boral hma ni lawk pawh hian an inbe reng niin a sawi bawk.

Bora chuan Congress tan chuan channa nasa tak a nih thu sawiin Congress in hun khirh tak an hmachhawn lai pawhin Sarkar leh Bhumidhar Barman-te chuan an party inpumkhatna an vawng­him reng niin a sawi a ni. Bora leh APCC aiawh te chuan Bongaigaon lam hi an pan nghal bawk.

Finance minister Hi­manta Biswa Sarma pawhin Sarkar thi chu pawi a tih thu sawiin a thla­rau tana a ṭawngṭai thu a sawi ve bawk a ni.