AP: Tualthah thubuai ngaihsak tawk loah sorkar puh Mipuiin kawngzawh an huaihawt

Arunachal Pradesh state khawpui Itanagar-a Akashdeep complex leh IG Park inkarah Thawhlehni zing khan tualthah thubuai ngaihsak tawk loa sorkar puhin mi tam takin kawng an zawh.

Kawngzawh hi tualthah tuartu chhungte pali MLA hlui Ngurang Pinch, student leader Ojing Taying, Toko Yame leh Arun Modi-te chuan an kaihruai a ni.

Arunachal Pradesh chhunga zirlai pawl 30 bakah mi tam takin kawng hi an zawh a, state home department leh state sorkar chu rorelna dik pe thei loah an puh a ni.

Kawngzawhte hian Home Minister Kumar Waii chu bang tura an phut thu an auchhuahpui a, pawikhawihna thleng a chhui chhuah theih loh avang leh dan kenkawh ṭhat tawk loh avangin bang turin an phut thu an auchhuahpui.

Tualthah tuartu te chhungkua leh zirlai pawl te hian state sorkar hnenah memorandum thehlutin ni 30 chhunga tualthah case pali hi chhui zo hman turin an ti a ni.

Kawngzawh thlawptu zingah hian Rajiv Gandhi University Students’ Union, All Arunachal Pradesh Students’ Union leh North East Students’ Organisation-te bakah district hrang hrang zirlai pawl te leh college hrang hrang zirlai pawl te pawh an tel.