Mi rubo-a puhna vangin Manipur ṭhalai pathum man an ni

Manipur mi ṭhalai pathumte chu mi rubo-a puhna vangin Dimapur-ah Thawhṭanni khan man an nih thu Dimapur police-te chuan an sawi.

Police-te chuan an mi man te hi Konglgram thingtlang khuaa cheng Yaruingam Keishing (38), Irongkongleiram khaw mi Wangreingam Hungyo (23) leh Irongaze khaw mi Thangmeiso Hungyo (22)-te an nih thu an sawi a ni.

Dimapur police PRO chuan heng ṭhalaite hi Thawhṭanni-a man an nih thu sawiin November 18-a complaint lut, mi pakhat a hming tarlan loh ruboa cheng nuai 10 phut chungchang thubuai kaihhnawihah man an nih thu an sawi.

PRO chuan special police team-te chuan he thubuai hi an chhuizui thu sawiin an hlawhtling hle tih a sawi a, an mi rukbo pawh hi Dimapur-a hotel pakhat aṭanga chhanchhuah a nih tawh thu an sawi bawk. Police-ten beihpui an thlak lai hian Wangreingam hi an mi rukbo an dahna hmun aṭang hian an man tih an sawi a, hetihlai hian a bultumtu bera puh Yaruingau leh a thurualpui Thangmeiso-te chu Dimpur-ah tho, hotel pawn lamah an man thu a sawi thung.

Police-te hian mobile phone pathum bakah SIM card nungsa pali an mi man te kut aṭang hian an man a, East Police Station-ah thubuai ziahluh nghal a nih thu an sawi a ni.