Defence minister Sitharaman-in Manipur Singai festival hawng

Defence minister Nirmala Sitharaman-i chuan nimin khan Hapta Kangjeibung-ah Manipur Sangai Festival a hawng.

He thuziah lai hian thuchiang hriat hman ni lo mah se defence minister hian tlai dar thum hnulam khan festival hawnna hi a neih rin a ni. Sangai Festival hi ni 10 awh tur a ni a, Nilaini aṭang khan festival hi ṭan ni tawh mah se Sitharaman-i hian nimin khan official takin a hawng a ni.

Festival hmasa ni thum hi Mao-ah hman a ni ang a, a bak zawng hi Imphal-ah leh Bishnupur district-a Keibul Lamjao-ah hman a nih dawn thu an tarlang.

Chief Minister N. Biren Singh pawhin kumin Sangai festival chu hmun thumah hman a nih dawn avangin a danglam bik hle dawn niin a sawi a, tlangah leh phairuamah a vawikhat nan hman a ni dawn tih a sawi.

CM Biren Singh hian a hmain US ambassador to India, Thailand princess bakah Myanmar-a Sagaing leh Mandalay chief minister-te pawhin an hmanpui dawn niin a lo sawi tawh bawk.

Sangai festival-ah hian tual­chhung miten dawr an hawn bakah Chian, Korea, Thailand leh Myanmar aṭangin dawr 140 vel hawn a ni bawk niin an tarlang.