Tripura : TPF-in BJP an zawm

Tripura People's Front (TPF) hotu Patal Kanya Jamatia chuan Pathianni khan an state-a rorellai, Bharatiya Janata Party (BJP) a zawm.

Agartala-a rally neihah Jamatia hian BJP hi a zawm a, he hunah hian chief minister Biplab Kumar Deb, BJP state president Prof Dr Manik Saha, union minister Partima Bhoumik-te pawh an tel a ni. TPF pumpui chu BJP-ah an lut tih Jamatia chuan a sawi.

Jamatia chuan tribal area-a chengte himna tur leh, boruak ṭha an neih theihna turin BJP chu a zawm niin a sawi a, Tipraha Indigenous People’s Regional Alliance (TIPRA) chu a sawisel zui nghal bawk. TPF hi kum 2014-a tribal miten an dikna chanvote an neih theihna atana beihna tura din a ni a, a hnuah political activity lamah kalin, district council election-ahte candidate an siam a ni.

TPF-in BJP an zawm hnuah, TIPRA hruaitu Deb Barman chuan assembly inthlan lo awm tura TIPRA leh BJP thawhdunna theihna tur kawng a tawp tih a sawi nghal. TIPRA hi Tribal Areas Autonomous District Council (TTAADC)-a rorellai an ni.