Assam leh Nagaland-in DAB-a oil leh petroleum inzatin insem dawn

Asasm leh Nagaland state chuan ramri buaina an neih mekna, Disputed Area Belt (DAB) sector pathum aṭanga oil leh petroleum lakchhuahte chu a inzatin an insem dawn.

Nagaland govenror Jagdish Mukhi chuan Nagaland Legislative Assembly (NLA) 13-nain session vawi 11-na a neih ṭanniah he thu hi a sawi a ni.

Governor chuan Ngaland sorkar chuan oil leh petroleum zawn hna thawhna kawngah an buaina chinfel tumin theihtawpin hma a la tih a sawi a, an hmalakna kal zelah Assam sorkar pawhin DAB area-a sector A, B leh C-ah petroleum leh oil lakchhuah inzata insem leh, a zawn hna thawh pawh in anga kalpui a duh tih a sawi. Hemi rual hian ramri buaina an neih mek chinfel a nih theihna turin sorkar laipui leh Assam sorkarte chu thawhpui turin a sawm nghal bawk.