Manipur fake encounter case: Police 6 lakah thubuai thehlut

Manipur-a Imphal West-a session judge chuan Zirtawpni khan Manipur fake encounter case kalzelah police paruk lakah thubuai a thehlut a, heng zingah hian inspector pakhat leh sub-inspector pakhat hming pawh a lang tel.

Heng police-te hi sub-inspector, Ksh. Uttam Kumar, head constable Kh. Sushil Kumar leh Laishram Dinachandra Singh bakah 5th IRB rifleman, Yumnam Santosh Singh-te an ni a, L. Ibobi Singh fapa Laishram Ranbir Singh, Chandranadi kawng hrula December 20, 2011-a thah a nih chungchangah thu dik lo a awm nia puhna thubuaiah man an ni.

Charge dang zawk hi chu inspector, Sagopam Ibotombi Singh leh 5th IRB rifleman, Ajay Prakash-te lakah siam a ni a, anni hi Naoremthong Khullen Leikai-a June 28, 201-a Laishram Lincoln thah a nih chungchangah thu dik lo a awm nia puhna vanga man an ni thung.

CBI Special investigation team, Imphal te chuan heng police paruk-te lakah hian chargesheet chief judicial magistrate hnenah an thehlut tawh a ni.