Tripura Dry state-a siam tumna a awm lo : Tripura Dy CM

Tripura-a rorellai, BJP-Indigenous Peoples Front of Tripura (IPFT) sorkar chuan an state chu zu zawrh khapna, dry state-a siam tumna a nei lo.

Deputy chief minister Jishnu Devvarman chuan Assembly-a BJP MLA Sudhangshu Das-a'n dan loa zu siam leh zuarte chungchanga sorkar hma lak dan a zawhna a chhannaah hei hi a sawi a ni.

Devvarma chuan kum thum liam ta chhungin state chhungah dan loa zu siam leh zawrhnaa inhnamhnawih mi 2,77 man an nih thu sawiin, kum 2019-ah mi 1,150, 2020-ah 941 leh nikumah 685 man an ni, a ti.

Eptu MLA-ten an state-a zu zawrh khap chungchang leh, ruihhlo laka fihlimna tura sorkar ruahmanna siam dante an zawh chu chhangin, Deputy CM chuan ruihhlo leh ngawlveina laka fihlim theih tura mitinte thawhho a ngaih thu a sawi rualin, sorkar chuan Tripura chu dry state-a siam tumna a nei lo tih a sawi. Zu zawrh khap chuan zu in an tlem phah dawn tih finfiahna, scientific evidence pawh a awm loh thu a sawi bawk.

Hemi rual hian state police-te chuan zu-in nghawng ṭha lo a neih dante chu awareness programme 'Prayaas' tih kaltlangin mipuite an zirtir a, hei bakah hian police leh security mi leh sate chuan dan loa zu siam leh zawrhte titawp turin hma an la reng bawk tih Dy CM chuan a sawi.