Assam : Dibrugar bazar-ah dawr 40 chuang kang ral

Assam-a Dibrugarh khuaa bazar hmunah nimin zing khan kangmei nasa tak a chhuak a, dawr 40 chuang a kangral nia sawi a ni.

Kangmei hi zing dar 3 velah dawr pakhata short circuit vangin a chhuak nia sawi a ni a, dawr dangte hi rang takin a man kai nghal a ni.

Tualchhunga kangṭhelhtute chuan kangmei chhuak hi an ṭhelh mih mai theih loh avangin pui turin state fire services, Oil India Limited-Duliajan, Chabua air force station leh BCPL-a kangṭhelhtute koh tel an ni.