Manipur Assembly Speaker atan Th Satyabrata thlang

12th Manipur Legislative Assembly speaker thar atan BJP MLA, Thokchom Satyabrata Singh chu nimin khan Assembly member-ten lungrual takin an thlang.

Kum 48 mi, Singh hi BJP ticket-in Yaiskul constituency-ah thlan tlin a ni a, amah hnaih ber tur National People's Party (NPP) candidate H Vikran chu vote 632 in a hneh a ni. Manipur-a BJP kaihhruai ṭangrual sorkar hmasaah khan Singh hi minister a ni.

Manipur-a BJP sorkar thar lakluh a nih hnuah nimin khan assembly session hmasa ber neih ṭan a ni a, ni thum a awh ang. Session ṭan hmain Speaker thar tur hi an thlang hmasa phawt a ni.

Chief minister N Biren Singh chuan BJP kaihhruai sorkar thar chuan Naga People's Front (NPF) tih loh party dang chu a thawhpui dawn lo tih a sawi a, hemi rual hian party dangten pawn lam aṭanga an sorkar an thlawp a nih chuan lawm takin an pawm thei reng tih a sawi.