Nagaland-Manipur border-a bandh huaihawt pawtsei

Southern Angami Public Organisation (SAPO) chuan Nagaland-Manipur border-a total bandh a huaihawt chu Manipur sorkarin Kezoltsa area aṭanga sipaite a hnuhkir duh loh avangin tiam chin awm loin a pawtsei.

Bandh hi a tirah chuan Thawhṭanni aṭanga Nilaini zan zanlai thlenga neih tura tih a ni a, mahse sorkarin an thil phut a tihhlawhtlin duh loh avangin, Angami chhim lam huam chhunga bandh huaihawt hi an pawtsei a ni.

SAPO chuan, "Manipur sorkarin Kezolsta area-a sipai dahte a kohkir duh loh vang leh, structure a siamte a tihtawp duh loh avangin bandh hi tiam chin awm loin pawhsei a ni," tiin a sawi. An thil phut tihhlawhtlin a nih hma chuan nawrh hi huaihawt an tum thu an pawl president Kevipodi Sophie leh general secretary Swelul Pucho chuan an sawi.

Nagaland chief minister Neiphiu Rio chuan state assembly neih mekah Nagaland-Manipour border-a bandh huaihawt a ni chu pawi a tih thu leh, an buaina hi chinfel thuai a ngaih thu a sawi. CM chuan border-a buaina awm mek chinfel dan ngaihtuahin Manipur sorkar pawh an dawr mek tih a sawi bawk.