Manipur police-ten poppy chinna hmun tichhia

Manipur police-te chuan kar liam ta Zirtawpni aṭang khan state chhunga poppy chinna hmun tihchhiain beihpui an thlak. 

Beihpui thlak ṭanni hian Churachandpur district-a popply chinna hmun tihchhiat a ni a, police-te hi state leh central security force-te bakah, district thuneitute an ṭawiawm. 

Police-te hian satellite image hmangin state chhunga poppy chinna hmunte hi an dapchhuak a ni. Manipur police IGP (intelligence) K Radhashyam chuan sorkarin ruihhlo do a puan peng pakhat atan security agency leh district thuneitute puihnain state police-te chuan beipui hi an thlak tih a sawi. Kum 2019-20 chhung khan state chhunga poppy chinna, ram acre 2,300 a zau tihchhiat a lo ni tawh bawk tih a sawi.