UN Award dawng thei tur thlan zingah Meghalaya MeghEA project thlan tel a ni

Meghalaya Enterprise Architecture (MeghEA) chu World Summit on the Information Society Forum , 2022-a UN Award dawng thei tura nominate zingah a tel.

UN Award dawng theia project 20 thlanchhuah dang zingah hian Singapore, China, Indonesia, Mexico, Russia, Australia, Saudi Arabia-a mite pawh an tel.

Senior official chuan MeghEA hi 'The role of governments and all stakeholders in the promotion of ICTs for development' category hnuaiah nominate a ni tih sawiin, project 20 aṭang hian panga thlanchhuah an la ni leh dawn tih a sawi.

MeghEA hi Meghalaya sorkar flagship programme a ni a; state mipui, sumdawnna leh hnathawktute tana service delivery tihna tura ruahman a ni a, National Enterprise Architechture kalphung behchhana siamin, India rama hetiang lam project kalpui hmasa ber a ni. He project hian sorkar office-a file kaltir chhung pawh nasa takin a titawi a, hun dangah file kaltirna atana a thla tel an hman ṭhin chu kar rei loteah tihfel an ni tawh hlawm a ni.