FAME scheme hnuaiah EVCS 89 sanction

Ministry of heavy industries (MHI) chuan hmarchhak state pathumah 'Electric Vehicle Charging Station' 89 a siam dawn.

EVCS hi 'Faster Adoption and Manufacturing of Hybrid and Electric vehicle' (FAME) scheme thawh hnihna hnuaiah siam a ni dawn a, Assam-ah 20, Meghalaya-ah 40 leh Sikkim-ah 29 siam a ni ang.

Assam-ah hian sorkar laipui chuan EVCS hi Jorhat leh Guwahati-ah 10 ve ve a lo siam tawh a, Meghalaya khawpui Shillong-ah 40 leh Sikkim khawpui Gangtok-ah 29 a lo siam tawh bawk.

Union minister of state for heavy industries Krishan Pal Gurjar chuan Lok Sabha-a zawhna a chhanah, MHI chuan FAME scheme phase II hnuaiah hian state/UT 25-a khawpui 68 ah charging station hi 2,877 a siam belh dawn tih a sawi. Hei bakah hian highway 16 leh expressway pakuaah charging station 1,576 a siam belh dawn bawk a ni.