Hmarchhak state 3-a Sainik School din belh remti

Ministry of defence (MoD) chuan hmarchhak state pathum - Arunachal Pradesh, Assam leh Nagaland-ah Sainik School din a remti.

Heng school-te hi non-governmental organisation (NGO), private school leh state sorkar nena thawkdunin din an ni dawn a ni.

Assam-ah chuan Directorate of Secondary Education nena thawkdunin Cachar district-ah Sainik School hi din a ni dawn a, Arunachal Pradesh-ah chuan Tawang Public School thawhpuiin Tawang district-ah din a ni ang a, Nagaland-ah chuan Living Stone Foundation thawhpuiin Dimapur district-ah an din ang.

Sorkar laipui chuan partnership mode hmangin ramchhung hmun hrang hrangah Sainik school hi 100 din belh a tum a ni.