Naga Hoho-a chanvo neite term thla thum dang pawtsei

Nagaland-a Tribal body lian ber zinga mi, Naga Hoho-a mawh­phurhna nei te chuan an mawhphurhna neih lai chu thla thum dang an chelh leh dawn.

Naga Hoho hruaitute hian mawhphurhna pawhsei anih chhan hi hruaitu thar tur ruat an la nih loh vang a ni.

Nilaini khan Naga Hoho te hian federal assembly an nei a, hetah hian resolution eng emaw zat an siam.

Naga Tribal body-te hian thuchhuah an siamah tuna mawhphurna chelh mek te term chu a zawh tawh dawn thu sawiin executive council chuan office chu an chhuahsan thei ṭep tawh tih an sawi.

Mahse Naga Hoho house/federating unit-te chuan Naga mipuite chuan hun pawimawh tak politics inremna kaihhnawihah an hma­chhawn mek avangin, Naga mipuite aiawh pawl chuan an office chu an titawp hrih thei lo tih an tarlang a ni.

Hemi anih avang hian Naga Hoho-a mawh­phurhna nei te term chu thla thum dang pawhsei a nih thu an tarlang.

Naga pawl te hian term leh atana nomination committee pawh an din nghal a ni. Committee member-ah hian TN Mannen, convenor, Niketu Iralu, Dr. P Ngully, Inavi Swuleh United Naga Council president-te chu ruat nghal an ni.