Arunachal Literature Fest ṭan

Arunachal Literature Fest 2018 chu Nilaini khan Dorjee Khandu Convention Centre, Itanagar-ah ṭan a ni.

He hun hi thu ziaktu lar tak leh chawimawina pawh lo dawng nual tawh Mamang Dai leh YD Thongchi-te chuan an host a, ramchhung hmun hrang hrang aṭanga thuziakmi kalkhawm te chu an lo lawm a ni.

Literature Fest 2018 hawnna hunah hian RWD leh IPR Minister Bamang Felix chuan Arunachal Lit Fest chu nakkum aṭang chuan calender event a nih tawh dawn thu a sawi. Literature festival chu literature chi hrang hrang thlunzawmtu a nih a beisei thu sawiin an ṭhalaiteah thuziak leh lehkha chhiar lama harhtharna thlen tur a nih a beisei thu a sawi bawk.

Minister chuan lite­rature chu a tan chuan mihring te rinna leh innghahna a nih thu a sawi a ni.

He hunah hian Chief Secretary Satya Gopal pawh telin an state chhunga tribal literature hmasawnna atan kawng zau tak a inhawn thu a sawi. Thuziak a awm loh avangin tribal tam tak history chu hriat theih a ni lo tih a sawi bawk.

Arunachal Literature fest hawnnah hian Special Secretary IPR Himanshu Gupta pawhin thu a sawi bawk a ni.

Technical session vawi hnih hman nghal niin session hmasa zawk hi YD Thongchi chuan an kaihruai a, session hnuhnung zawk hi Dhru­ba Hazarika-an a kaihruai thung.

Arunachal Literature festival hi IPR Deparment hnuaia hmalakna a ni a, book exhibition te pawh a awm bawk a ni.