AP police-ten NSCN-IM minister Semley Hakhun an man

Arunachal Pradesh police-te chuan National Socialist Council of Nagaland (NSCN-IM) minister Semley Khahun an man.

Inspector-general of police (law and order) Chuku Apa chuan Hakhun hi Changlang district-a an pawl hminga sum khawnkhawmtu atana ruat a ni tih a sawi. March 25 khan Police hnuaia Special Investigation Team (SIT) leh Changlang police-ten Assam-a Tinsukia-ah an man tih sawiin, Assam police-te pawhin an theih angin an pui tih a sawi. SIT hi SP Rohit Rajbir Singh-a'n a ho a, Changlang Police hi SP Mihin Gambo-a'n a ho thung a ni.

Apa chuan, "Intelligence report rintlak tak kan dawn angin, March 25 khan Tinsukia hi kan team chuan thlengin, Hakhun birukna hi kan chhui zui nghal a ni. A hnuah Tinsukia police-te puihna nen a bihrukna hmun aṭangin kan man thei ta a, a kut aṭang hian pawisa fai Rs nuai 2.18, mobile phone pahnih leh sim card pathum an man tel thu a sawi bawk.

IG chuan NSCM-IM hruaitu Hakhun lakah hian Changlang leh Itangar police station-ah pawikhawihnaa inhnamhnawih leh an pawl hminga chhiah khawn chungchanga thubuai ziahluh a lo ni tawh tih a sawi. "Inlakhran duhtu pawl hruaitu zinga man tuma zawn nasat ber zinga mi a ni. Tirap, Changlang leh Longding bialah Hakhun hi NSCN-IM hminga mipuite hnena chhiah khawnnaah a mawhphurtu ber a ni," a ti.

Myanmar-a Kachin state-a Wanrok khaw mi leh sa, Hakhun hian kum 1986 khan NSCN-K a zawm a, kum 2013-ah NSCN-IM-ah hian a insawn leh, 'Tatar' (Member of Parliament)-ah dah niin, tunah hian Kilonser (ministr) dinhmun a chelh mek a ni.