GHADC in Garo Customary Law Amendment Bill, 2009 pawm

Meghalaya-a Garo Hills Autonomous District Council (GHADC) chuan Ningani khan sawisel hlawh tak Garo Custo­mary Law Amendment Bill, 2009 chu clause dah belh te nen a pawm.

Bill pawm thar hnuaiah hian clause pathum belh a ni a, heng clause-te hian Garo community-ten hnamdang nupui pasala an neih lohna tur te bakah Mouzas hnuaia dan loa ram hralh chungchang te pawh a tel a ni.

Garo Customary Law Amendment Bill, 2009 hi GHADC hian an pawm vawi hnihna a ni tawh a, a hma pawh khan lo pawm tawh mah se District Coun­cil Affairs department kal­tlangin state sorkar chuan GHADC hi an thawn let leh a ni. Mahse Ningani khan GHADC hian an pawm leh ta tho a, he bill hnuaiah hian Garo hnam ni lo in Garo nupuia a neih chuan, a nupui chu an hnamah pawm an ni thei tawh dawn lo a ni.