AP Governor in a helicopter damlo hmantir

Arunachal Pradesh governor Brig (Retd) BD Mishra chuan Ningani khan nu pakhat naupai chu damdawi-ina in enkawl vat a mamawh avangin Tawang aṭangin Itanagar damdawi-inah a helicopter in a hruai.

Nu naupai leh a pasal te chuanna tur heli­copter hi Tezpur-a a tui an thun zawh hnu aṭangin thil chiangkuang lo a awm nia hriat a ni a, damdawi-in panpui an ṭul tawh avangin Go­vernor BD Mishra hian an chuanna tur Air Force helicopter-ah chuan nu raipuar leh a pasal chu chuan tirin Itanagar hi a pantir a ni. Governor te hian helicopter dangin Itanagar hi a hnuah an pan ve leh niin Raj Bhavan thupuangtu chuan a sawi.

Hei mai hi la duhtawk lo in Governor hian am­bulance a biaksak bawk a, nu raipuar hian a hnuah Itanagar-a Heema Hospital-ah tluang takin nau a nei ta tih tarlan a ni bawk.

Tawan leh Itanagar inkar hi km 200-a hla a ni a, lirthei chuan darkar 15 vel tlan a ngai a ni.