Nurse-te nawrh laiin nu naupai pahnih thi
Assam-a nurse-ten tiam chin awm loa nawrh an huaihawt laiin Jorhat Medical College and Hospital (JMCH)-ah nu naupai pahnih Nilaini khan an thi.
Assam state chhung hmun hrang hrangah hian tiam chin awm loin nurse ten nawrh an huaihawt a, vawiin nen ni ruk an nuar tawh a ni.
Hetihlai hian JMHC thuneitute chuan nu naupai pahnih te hi dinhmun ṭha lo taka damdawi-in panpui an nih thu sawiin, an thih chhanah hian nurse te nawrh huaihawt nen inzawmna a awm lo tih an sawi.
JMCH Public Relations Officer Nilotpal Bhattacharya chuan internal haemorrage vanga thi an nih thu sawiin an naute te pawh an thi niin a sawi bawk. Damdawi-in an thlenpui hian an dinhmun a ṭha lo sa tawh hrim hrim tih sawiin staff indaih loh vang a nih loh thu a sawi a ni.
JMHC-ah hian thlatir lam khan nau piang hlim 15 an thi tawh bawk.
All Assam Nurses’ Association (AANA)-te hian Pathianni aṭang khan nawrh an huaihawt a, nurse 100 vel chu nawrh an huaihawt vang hian man an ni a, mahse a hnu lawkah an chhuah leh a ni.
ANNA member-te hian post ngaia hlawh inang lak te, 'staff nurse' tih paiha 'nurse' tih chauha nihna dah an duh loh vang te bakah hlawh chungchangah te an lungawi loh avangin nawrh hi an huaihawt a ni.