Hmarchhaka-a Urban Mission thlir letna nei dawn
Tripura sorkar chuan hmarchhak state zawng zawnga Urban Mission kalpui a nih dan thlir letna a nei dawn.
North East Youth Festival, Chintan Shibir leh International Tourism Mart, Pragya Bhavan-a December 1-a neih a nih zawh hnu lamah thlir letna hi an nei dawn a ni.
Review meeting an neih turah hian Union Minister of State of Housing Hardeep Singh Puri leh Secretary to the Ministry and National Missions DS Mishra te pawhin an telpui ang. Hardeep Singh Puri-an meeting a neihpui hma hian hmarchhak official-te chu DS Mishra hian review meeting hi a neihpui hmasa dawn niin an tarlang.
Meeting-ah hian Pradhan Mantri Awas Yojana (Urban), Atal Mission for Rejuvenation, Urban Transformation (AMRUT) leh June 25, 2015-a tlangzarh Smart City Mission-te an thlir let dawn a ni.
Swachh Bharat Mission kalpui dan pawh thlir let a ni dawn bawk a, 10 percent Lump sum Scheme bakah North Eastern Region Urban Development Programme (NERUPD) leh DAY-NULM-te pawh an thlir ho dawn bawk.