Facebook-a BJP sawisel vangin Manipur Journalist man

Manipur state khaw­pui Imphal mi journalist Kishorechandra Wang­khem chu November 27 khan BJP kaihhruai sorkar sawiselna video Facebook-a a post avang­in National Security Act (NSA) hnuaiah man a ni

Video-ah hian Wnag­khem hi Meitei ṭawngin a ṭawng a, BJP kaihhruai state sorkar chu state zalenna sualna kawnga Rani of Jhansi tha thawhna engnge tia zawtin BJP leh an ideological font, RSS-te chu a sawisel a ni. State sorkar chu a sawisel avang chuan an duh chuan man turin a cho nghal bawk.

Kishorechandra Wang­khem hian Novem­ber 19, Rani of Jhansi pianchama Chief Minister N. Biren Singh-a a thu­sawi a chhanglet a ni.

Tualchhung news report chuan video a darh hnu hian Wangkhem hi a thawhna local cable TV chuan an ban niin an tarlang.