Union Housing Minister in Tripura tlawh Hmarchhak flagship scheme ennawn pui

Union Minister for Housing and Urban Affairs Hardeep Singh Puri chuan Inrinni khan hmarchhaka flagship scheme kalpui dan ennawn pui turin Tripura a thleng.

Hardeep Singh Puri hian Inrinni khan Tripura Chief Minister Biplap Kumar Deb leh Secretary of Ministry of Housing and Urban Affairs, Durga Shankar-te bakah hmarchhak state hrang hrang aiawh te Pranja Bhavan-ah meeting a neihpui.

Union Minister chuan flagship scheme kalpui danah a lungawi thu sawiin Nagaland, Sikkim, Assam leh Manipur-a kalpui a nih dan chu fakawm a tih thu a sawi.

Nagaland leh Sikkim chu a bik taka fakin Swachh Bharat Mission leh Smart City Project hnuaia Open Defecation Free (ODF) scheme an kalpui dan chu lawmawm a tih thu a sawi a ni.

Assam, Nagaland leh Manipur-te chuan flagship scheme panga chu ṭha takin an kalpui tih a sawi.