Assam: Rel-a thil puak vangin mi pathum hliam

Assam-a Udalguri district-ah Inrinni zan khan intercity train-ah thil a puak a, mi pathumin hliam an tuar niin police-te chuan an sawi.

Kamakhya-Dekar­gaon Intercity Express rel-a coach pakhatah Inrinni zan dar 7 vel khan thil hi a puak a, engnge a nih tarlan a ni lo. Harisinga railway station-a a din laiin he chhiatna hi a thleng niin an tarlang.

Hliam zinga mi pakhat hi chu a dinhmun a ṭha lo hle nia tarlan a ni a, he thil puak hi grenade emaw im­provised explosive device (IED) emaw anih rin a nih thu tarlan a ni bawk.