AIUDF-in NRC tihthar tumna Supreme Court-a khinah vau

Assam chief minister Himanta Biswa Sarma-a'n National Register of Citizens (NRC) a thara buatsaih a rawt chungchangah, state sorkarin Supreme Court-ah ngenna a thlen anih chuan an khing let ngei dawn tih All India United Democratic Front (AIUDF) chuan a sawi.

AIUDF MLA leh party general secretary Aminul Islam chuan, "Assam sorkarin NRC ti ṭha leh tura petition a thehlut a nih chuan kan ṭhu ngawi reng dawn lo. Supreme Court-ah kan khing let dawn a ni," a ti.

Assam CM hian NRC chu ennawn leh a, an state-ah a thara kalpui leh a rawt a, hemi chungchang hi All Assam Students’ Union (AASU) pawh sawipui mek a ni tih a lo sawi tawh a ni.

Kum 2019, August thla khan NRC final list tihchhuah a ni a, diltu mi vaibelchhe 3.3 zingah mi nuai 19.06 vel chu list-ah hian telh an ni lo. Khua leh tui dik tak tam tak hmaih an nih avang hian sawisel a hlawh zui hle a ni.